அவரவர் வலிகள்...

இறகுகள் உடையவன் என்று 

இனம் பிரிக்கிறீர்கள்.

உனக்கென்ன கேடு என்று 

உண்மையில் கொஞ்சம் 

கலைந்த ஒப்பனைகளோடு. 

கை வாய்த்தவரே...கைப்பிடி 

வானம் விஞ்சியது உங்களுக்கு.

வஞ்சமில்லை. வாழ்க.

அடரும் விரிந்த இறகுகளின் கீழான 

அழுத்தம் ஒவ்வாமல் 

உயர எறிகிறது வானம்.

மிகுதி வானப் பகுதியும் 

என் இருப்பில்லை.

இறகுகளுக்கு சொந்தக்காரராய் 

இருப்பது இலகில்லை.  

-ஆறு 

விலகச்சிணுங்கி

தொட்டால் சிணுங்கிகளுள்

இவள்  

விதிவிலக்கு.

இது விலகச் சுருங்கும்.

புது வெயில் இளஞ்சூட்டில் 

புரண்டு விலகுபவனின்   

கை மணிக்கட்டு,

குவியும் 

இலைகள் 

ஐந்தின் 

ஊடே.

ஒருவேளை...

பனிமுத்தம் கிட்டி 

விழி திறக்கலாம்,  

இலை விரித்து 

பிடி தளர்க்கலாம்.

-ஆறு

என்றென்றும் இனி என் அன்றாடம்

வாசத்தினை வாரி இரைத்து 

வளைமுடி வலையாவதும்,

நேசத்துணையுன் கதைதோரும்

நாசிமுனை ஒன்றோடொன்று நுனிபட்டு

காசிமனை கொல்லைபுறத்து கொடியேறுவதும்...

என்றென்றும் இனி என் அன்றாடம்!

காதோரம் உரசும் உன் மூச்சு 

கண்ணத்தில் கரைவதும்,

கனங்களின் கரையோரம் 

உன் கை பிடித்து

கால் நனைத்திருப்பதும்...

என்றென்றும் இனி என் அன்றாடம்!

இருவரிச்சாயம் உருகி

சிறு வரி பள்ளங்கள் நிறைவதும்,
கரு விழி கடையோரம் 

பெருவிழா கண்டெடுத்து

கனவாய் தொலைந்திருப்பதும்...

என்றென்றும் இனி என் அன்றாடம்!

வதை செய்யும் பிறை நெகிழ்ந்து 

கதி மோட்ச புணல் சேர்ப்பதும்,

வழி செல்லும் வாழ்வோடம் 

ஜதி சொல்லும் உன் கால் பட்டு 

சருகாய் மிதந்திருப்பதும்...

என்றென்றும் இனி என் அன்றாடம்!

-ஆறு

நீர்த்திவலையும் நீலக்குயிலும்

எத்தனை நீ விரிந்து கிடந்தாலும்
எனக்கு,
பத்தாத வானம் நீ.
இந்த விளையாட்டு நமக்குள் வாடிக்கை தான்.
உடைந்து நொறுங்கி எனக்காய் 
கோடி துகள்களாய்
பெருகி விழுவாய்,
காலை பனியாய்.
கூரிய என் கூட்டின் முள் கம்புகளால்
கிழித்து, கோர்த்து
மறுபடி உனை முழுதாய் தைய்க்க முனைவேன்.
என் பாடல்களில் யாருக்கும்
அத்தனை அக்கறை இல்லை,
அவை அவர்களுக்கானவை இல்லை.
ஈரம் உடுத்திய என் கூட்டின் மீது ஆணை:
அலகுகள் அசைத்து நான் பாடுவது
ஊசி முட்களின் பழு போக்கவும்,
சிறுகிய பனிக்குள்
குறுகியே கிடக்கும்
உனது வலி நீக்கவும்.
-ஆறு

Convex

Needless to utter your fervors,
Never would I have you spell your fears.
Upon wordless-web, gleams your vibrance
Glassy it is...your very self, your very presence;
For that is what a dew drop does...
Condenses pigment and the light,
Magnifies those lurking beneath the plight.
Dear, you let me see through you:
Your emotive fervence
Your unknown fear
Your vibrant soul!
-Aru
(Painting in Acrylics and then digitally enhanced)

உள்ளது போதுமடி

பூக்களுக்கு பதில் புத்தகங்கள்
விரிகின்ற தோட்டம் எனது.
புலி வாடை பறவும் இக்காற்றில்
பூவாசம் எண்ணி ஏக்கம் ஏதுமில்லை!